玫瑰花曲奇做法 / How to make rose cookies

玫瑰花曲奇同之前做的立體花花曲奇做法差不多, 只是不須做餅底。

 

1.    用牛油紙畫了玫瑰花的形狀。剪裁之後，放在麵團上，用小刀切出來。焗後放涼。

2.    用Icing畫出rose形狀, 莖和葉。

3.    填上icing。

母親節立體鮮花曲奇 / Happy Mother's Day 3D Flower Cookies

有日係網上見到有立體花花曲奇, 可愛極了. 自己又DIY.

首先, 用牛油紙畫了Daisy, Tulip & Rose的形狀。剪裁之後，放在麵團上，用小刀切出來。

 

用自己喜愛的形狀/餅模作餅底。

1.  焗後放涼。

2.  用Icing畫出餅底形狀。

3.  填上icing。

4.  畫出花朵的花瓣, 花芯, 莖和葉。

再填上icing。

5.  用棉花棒沾上一點紅色食用粉, 在花朵的臉頰位置輕輕地打圈塗上, 作為胭脂。

 

畫上眼睛和咀; 待乾後, 用糖霜把花朵和餅底黏上。

 

 

橡皮鴨曲奇做法 / How to make rubber duck cookies

其實，Florentijn Hofman（霍夫曼）的橡皮鴨rubber duck 有乜咁特別呢？好似同商店買到的沖涼鴨個樣差不多姐？！ 但係勝在巨型的，可以帶比公眾歡樂和回憶。

在一股＂鴨風＂下，我又想整返的橡皮鴨cookies.

沒有鴨子曲奇模。唯有DIY.

步驟：

1. 在牛油紙上，勾畫出Rubber duck的形狀。
2. 剪裁之後，放在麵團上，用小刀切出來。





3. 焗後放涼。
4. 用Icing畫出橡皮鴨的形狀。





5. 然後，填上icing。

6. 畫上咀巴、翅膀和眼睛。

金色糖霜 / Gold Icing

如何將雪白的icing變成金色?

 

我用Wilton Gold Pearl Dust金色食用閃粉 + 酒溝稀 ; 要一滴一滴咁加. 如果加酒太多, 金色會變得好稀, 油在icing上會上色;   加酒太少,  金色會一舊舊, 油唔到.

 

必須等icing完全乾硬之後, 才用掃直接油金色在icing上, 慢慢油, 以免出界.

網球主題曲奇做法 / How to make tennis cookies

應承咗大張生整一些以網球為題的曲奇比佢的波友，但相隔了成1.5 years 之後才做到。 係呀，多咗個人仔就連睡覺都沒時間！不過，遲到總好過無到吧！

畫波衫的步驟: 

1. 先Outline件衫的形狀
2. 填色，見到有泡泡就用牙簽拮穿。不然，當icing要乾時，氣泡會爆開造成icing表面裂開或有洞
3. 等Icing乾後，再在表面畫上領子等details




畫網球的步驟：

1. 先Outline
2. 再填色
3. 等Icing稍乾約15分鐘，再灑上糖粒
4. 最後，畫上網球的白線




下雨天整icing cookies 是十分麻煩的，因為icing 好難乾。必須開抽濕機和冷氣機。有風乾機更好！

How to Make Halloween Pumpkin Icing Cookies / 萬聖節南瓜糖霜曲奇做法

很久沒有在cookies教室post任何嘢! 趁有時間又獻下醜...

 

我知, 萬聖節過了, 但南瓜仍當造, 而且我覺得南瓜曲奇簡單得來又可愛...

做法:

1.    曲奇焗好後放涼.

2.    Outline 南瓜曲奇. Outline 完再填色會漂亮和整潔一些.

3.    填色 – 唧夠icing後再用抹刀抹均.

4.    抹均後，　看起來會平滑一點．

5.    等約１０分鐘，待橙色icing稍乾，再用綠色icing畫南瓜柄．若橙色icing仍濕，　再加綠色icing，會有“化開”的情況．

6.    Icing看起來很平滑和光澤．讓Icing乾透後（約３小時），　再畫上南瓜的眼，鼻和口．　

7.    若沒有信心把眼，鼻和口畫得漂亮，　可用Food Writer幫助．　

8.    畫好後用黑色icing填平．

9.    最後，　再加上南瓜紋和柄上的滕．

Cookie Tutorial 2 - Angry Bird Cookies (Instructions / 做法)

上回同大家分享咗用templates做cookies.

今次就分享下用 "以形補形" 的方法去做出卡通cookies - Angry Birds.

雖然我有許許多多不同的cookie cutters, 但卡通人物的cutters我就無幾個.
所以, 有時要運用下想像力將不同的cookie cutters組成別的圖案.

首先, 講下紅色Angry Bird.

紅色Angry Bird個shape, 其實係由圓形和一個類似"V"型的圖案組成.

所以, 我用咗圓形cookie cutter 和 有個"V"型圖案的cookie cutter.

Cut 咗之後, 將多餘的麵糰拿走, 再將兩個圖案合成.

如果想做Yellow Angry Bird, 可用三角形cookie cutter 或者用小刀切出三角形.

到填色部分.

今次的顏色不多; 主要用黑色outline Angry Birds.

Outline 完 Angry Birds, 用顏色先填滿個肚皮, 待乾. 再用主色填滿頭部.

等到顏色乾透 (or 50% at least), 再在圖案上畫上眼, 眼眉 & 嘴.

紅色Angry Bird 的眼睛附近有粒斑點. 你可以在填滿紅色之後, 用深紅色加上或者等到顏色完全乾透後再畫上.

Angry Bird Cookies 就係咁誕生了!!!

Cookie Tutorial 1 - High Heel Shoe Cookies (Instructions / 做法)

自開blog以來 (一年多啦!!), 好多人找我做cookies等等, 但開始覺得同更多人分享到做cookies的喜悅, 我會更有滿足感!

所以你會開始在我的blog上找到做各式各樣cookies的技巧, 而且仲係 free 的. 當然, 如果你想花幾百蚊去學&識下朋友, 也是好事 (我都係咁開始的).

今日係第一堂...教大家做 high heel shoe cookies.

焗好餅之後, 涼一涼....

預備兩種icing: 一種硬身(soft peak NOT Stiff 太硬的話, 好難唧, 手會痛!!) - 係用來畫線 (outline); 另一種"希"d - 用來"填色" (flood)

1. 先畫線 - 將條線拉高去畫; 太低的話, 條線就會好似條蟲仔咁, 彎彎曲曲. 畫的時候,條線唔好太貼邊. 一唔小心一掂, 條線就被壓扁或斷裂...

2. 條線斷了, 用大頭針挑走或用細畫筆掃走...

3. 畫好線後, 等佢乾的, 再填色. 因為如果條線唔乾, 一填色, 條線就會移位..."希" 的icing可能會流出線外

4. 等佢乾的時候, 可以唧下花用來裝飾下鞋頭....接著放一些唔同sizes的sugar pearls係朵花上, 待乾

開始填色 - icing 唔好弄得太濕 (唔好一次加太多水)...做到有條線狀(如圖), d icing落番個碗到, 仲係見到痕跡, 不容易化開 (數10-15秒)...太濕的話, 塊餅好難乾...

1. 填的時候, 唔好唧得太急或太多...d icing 會出晒界的....
2. 填到差不多滿, 用牙籤或大頭針或畫筆拖住/掃住黎填滿個邊...
3. 等第一part的icing 乾的, 先開始第二part....這才做出有層次感的cookies...
4. 如果你想加sanding sugar, 等d icing 乾一些, 再灑上....

Voila! 就係咁就完成了 high heel shoe cookies.....

香港應該好難找到 high heel shoe cookie cutter; 就算有, 都好貴. 如果你只係想做一兩個的話, 你可以跟住我的 High Heel Shoe Cookie Template (放大), 用咭紙或牛油紙剪個形出來, 放係cookie dough上用小刀切出來.....

做靚cookies, 最......最重要係耐性!!

最後, 補充一句: 以上只是我常用的方法或我覺得好的方法. 不同人會有不同的心得或方法, 但都可以做到同一款的cookies.