Christmas Macarons / French Cookies 食譜 & 做法

最近因為生病了一星期多, 所以少咗出黎.....你地都要小心身體...

過去兩年的 Christmas, 我做咗一些 macarons (French Cookies) 送比朋友 & 同事....聖誕節好怏又黎....所以想起了 macarons.

其實都有一年未做過....今次做得麻麻地....當係練習.

依家流傳咗好多不同 macaron recipes...有的要加水, 有的又話要加栗粉....五花八門...

兩年幾前開始做資料搜集...看過好多書 & 網頁....我個人覺得以下食譜, 材料 & 做法最 makes sense. 今次. 我會將的要點/經驗給大家分享一下. 其實係準備功夫 & 技巧多於用什麼食譜.

Agnes' Macaron Recipe

Ingredients

2 egg whites

34 grams granulated sugar (白砂糖)

134 grams confectionary sugar (糖霜)

37 grams almond powdered (杏仁粉)

Food colour (optional) (食用色素)

Directions

1. 將蛋白 & 蛋黃分開. 蛋白要放係室溫至少24小時. (目的要減少水份)

2. 將糖霜 & 杏仁粉分開篩, 將糖霜 & 杏仁粉攪和 – 備用

3. 打蛋白, 分二至三次將砂糖加入 (打住黎加,唔好停), 將蛋白打到企身(即最後打完時, 打蛋器拿起後, 蛋白末端係尖的)

4. 將糖霜 & 杏仁粉分三次拌入蛋白中 - 加的時候請用輕力. 拌入時的手勢 – 由底部蛋白開始, 由內而外, 將糖霜, 杏仁粉 & 蛋白混合. 動作要快. 不能太大力. 攪拌約50次. 如要加色素, 在拌入糖霜 & 杏仁粉時一起加入.

5. 50次的時候, 蛋白混合物應呈現光澤, 有種 “濕濕地” 的feel. 如果 “杰” or  “希” 都會失敗. “杰”的話, 可以攪多幾下; “希”的話就要重新再做. 要有裙邊出現, 不可攪得太多 or 太少.

6. 將蛋白混合物放入唧袋. 唧1.5吋的圓形. 唧完後要將它們放係室溫至少1小時. (等佢乾身的). 夏天的話, 可能要2至3小時. 在唧之前,應在紙上畫上多個圓形(每個相距約1吋); 唧係牛油紙上. 紙放係牛油紙下面.入焗前, 將紙取出.

7. 將焗爐預熱5至8分鐘, 150C ( 300F ). 焗8-12分鐘. 如果表面呈黃色, 即焗的時間太長 or 焗爐溫度太熱. 最好不要離開焗爐半步.

至於包裝, 可以將聖誕款的cookie袋剪開, 將macarons放係中間包住. 再係兩邊加上絲帶之類.

你地快的試下啦!!